Milli Hidrometeorologiya Xidməti iyulun 29-na gözlənilən hava proqnozunu açıqlayıb.
Bakıda və Abşeron yarımadasında hava şəraitinin yağmursuz keçəcəyi, şimal-qərb küləyinin əsəcəyi gözlənilir. Havanın temperaturu gecə 23-25°, gündüz isə 31-36° isti olacaq.
Atmosfer təzyiqi 759 mm civə sütunu, nisbi rütubət gecə 70-80%, gündüz 40-50% təşkil edəcək.
Rayonlarda da əsasən yağmursuz hava proqnozlaşdırılır. Bəzi dağlıq ərazilərdə arabir duman olacaq, mülayim qərb küləyi əsəcək.
Havanın temperaturu gecə 22-27°, gündüz 35-39°, bəzi yerlərdə isə 40°-dək yüksələcək. Dağlıq ərazilərdə gecə 15-20°, gündüz 25-30° isti olacaq.
