Bakının Lökbatan qəsəbəsi ərazisində, Sədərək Ticarət Mərkəzinin girişində 194 nömrəli marşrut avtobusu aşıb.
TƏBİB-dən bildirilib ki, saat 13:30 radələrində əraziyə yol-nəqliyyat hadisəsi ilə bağlı təcili tibbi yardım çağırışı daxil olub. Hadisə yerinə briqada göndərilib.
Qəza nəticəsində 5 nəfər, o cümlədən 3 kişi və 2 qadın müştərək travma diaqnozu ilə Kliniki Tibbi Mərkəzə hospitalizasiya olunub. Daha 2 qadına isə hadisə yerində tibbi yardım göstərilib.
Qəzanın yağışlı hava şəraiti səbəbindən baş verdiyi bildirilir.
