Rusiyanın Amur vilayətində yerləşən Amur qaz-kimya kompleksinin ərazisində baş verən yanğın nəticəsində ölənlərin sayı 5 nəfərə çatıb.
Rusiya mediasının məlumatına görə, hadisə zamanı ümumilikdə 132 nəfər xəsarət alıb. Onlardan 19-u Svobodnı şəhər xəstəxanasına çatdırılıb.
Xəstəxanaya yerləşdirilən yaralılardan 6-nın vəziyyəti ağır, 13 nəfərin vəziyyəti isə orta ağır qiymətləndirilir. Daha 113 nəfər tibbi müayinə üçün xəstəxanaya çatdırılıb.
İlkin məlumatlarda hadisə nəticəsində 1 nəfərin öldüyü, 131 nəfərin isə xəsarət aldığı bildirilmişdi. Daha sonra ölənlərin və yaralananların sayının artdığı açıqlanıb.
Hadisənin səbəbləri araşdırılır.
