Rusiyanın Altay Respublikasının Turaçaq rayonunda son sutka ərzində kəndlərə yaxınlaşan beş ayı ovçular tərəfindən güllələnib.
Məlumata görə, bölgədə ayıların yaşayış məntəqələrinə yaxınlaşması ilə əlaqədar təhlükəsizlik tədbirləri gücləndirilib. Hazırda ərazidə saat 20:00-dan 10:00-dək komendant saatı tətbiq olunur. Gecə saatlarında polis əməkdaşları və ovçulardan ibarət patrul qrupları ərazidə növbə çəkir.
Qeyd olunur ki, son günlər Altayın kəndlərində ayıların görünməsi halları artıb.
Xatırladaq ki, avqustun 19-na keçən gecə Altayın Artıbaş kəndində yerləşən turist bazasında ayı hücumu nəticəsində 29 yaşlı qadın turist həlak olub. Ayı çadırda yatan qadını meşəyə sürüyüb və ona hücum edib. Daha sonra qadının qalıqları aşkar edilib.
