Rusiya ordusunun Kiyevə endirdiyi raket zərbələri zamanı Azərbaycanın Ukraynadakı səfirliyinin yaxınlığında dağıntılar qeydə alınıb.
AZƏRTAC-ın məlumatına görə, səfirliyin inzibati binasından təxminən 200-250 metr məsafədə dağıntılar və yanğın qeydə alınıb.
Hazırda Azərbaycanın Ukraynadakı səfirliyinin binasına ziyan dəyib-dəymədiyi ilə bağlı dəqiq məlumat açıqlanmayıb.
Kiyev Şəhər Hərbi Administrasiyası isə “Telegram” kanalında bildirib ki, hücum nəticəsində bir nəfər ölüb, beş nəfər yaralanıb.
