Ukraynanın Xarkov vilayətinin Çuquyev şəhərinin Rusiya ordusu tərəfindən atəşə tutulması nəticəsində 3 nəfər ölüb.
Bu barədə Xarkov Vilayət Hərbi Administrasiyasının rəhbəri Oleq Sinequbov məlumat verib.
Onun sözlərinə görə, ölənlər 19 yaşlı qız, 11 yaşlı oğlan və 45 yaşlı kişidir. Daha 3 nəfər xəsarət alıb, onlardan birinin vəziyyəti ağırdır.
Sinequbov bildirib ki, Rusiya dronunun birbaşa zərbəsi nəticəsində fərdi yaşayış evi tamamilə dağılıb. Çoxmərtəbəli bina, qarajlar və 3 avtomobilə də ziyan dəyib.
