Ötən il Vaşinqtonda Azərbaycan və Ermənistan arasında imzalanmış sülh bəyannaməsi real nəticələrə gətirib çıxarıb.
Ermənistan parlamentinin sədri Ruben Rubinyan bəyannamənin imzalanmasının birinci ildönümü ilə bağlı videomüraciətində bildirib ki, bir il əvvəl sülhə skeptik yanaşanlar prosesin real nəticələr verəcəyinə inanmırdılar.
Onun sözlərinə görə, Ermənistan blokadadan çıxmaqla yanaşı, Azərbaycan ərazisindən keçməklə dünya ilə dəmir yolu əlaqəsi əldə edib və bunun müsbət nəticələrini ilk hiss edən ölkə olub.
Rubinyan Türkiyə istiqamətində də oxşar proseslərin getdiyini qeyd edib. O bildirib ki, Türkiyə yaxın vaxtlarda Ermənistanın öz dəmir yolu şəbəkəsindən istifadəsinə qoyulan məhdudiyyətləri aradan qaldırıb.
“Bu, real sülhdür və buna sevinmək lazımdır. Biz sülhə layiqik. Bəli, hələ bütün problemlər həll olunmayıb”, – Rubinyan vurğulayıb.
