Hələ 2022-ci ildə Aşqabadda keçirilən altıncı Xəzər sammitində dənizin dayazlaşması kontekstində dayazlaşmanın səbəblərini aşkar etmək və dəniz səviyyəsinin daha da aşağı düşməsinin qarşısını almaq üçün tədbirlərin görülməsi məqsədilə xüsusi ekspert qruplarının yaradılmasını təklif etmişdim. Ötən illər bu təşəbbüsün aktuallığını təsdiqlədi.
Bunu Prezident İlham Əliyev Türkmənbaşıda keçirilən Xəzər Ekoloji Sammitində çıxışı zamanı bildirib.
“Biz problemin ümumi müzakirəsindən əməkdaşlıq və qəbul edilmiş qərarların icrasına nəzarət üzrə daimi fəaliyyət göstərən mexanizmin yaradılmasına keçməliyik”, – dövlət başçısı qeyd edib.
İlham Əliyev, ilk növbədə, Xəzər dənizinin səviyyəsinin aşağı düşməsinə təsir göstərən bütün amillərin müəyyən edilməsinin, eləcə də vəziyyətin gələcək inkişafının elmi cəhətdən obyektiv şəkildə qiymətləndirilməsinin vacibliyini vurğulayıb.
