Azərbaycan Prezidenti İlham Əliyev sentyabrın 29-da İran Prezidenti Məsud Pezeşkiana telefonla zəng edib. Məlumat Azərbaycan Prezidentinin Mətbuat Xidməti tərəfindən yayıb.
Dövlət başçısı Məsud Pezeşkianı ad günü münasibətilə təbrik edib, ona möhkəm cansağlığı, uzun ömür və fəaliyyətində uğurlar arzulayıb.
İran Prezidenti göstərilən diqqətə və təbrikə görə İlham Əliyevə minnətdarlığını bildirib.
Telefon danışığı zamanı dövlət başçıları Bişkekdə keçirilmiş son görüşlərini və həmin görüşdə müzakirə olunan məsələləri məmnunluqla xatırlayıblar. Azərbaycan və İran prezidentləri avqustun 31-də Bişkekdə görüşüblər.
Söhbət zamanı Azərbaycan hökumətinin nümayəndə heyətinin hazırda İranda səfərdə olduğu və səfər çərçivəsində ikitərəfli münasibətlərin gündəliyində duran məsələlər üzrə müzakirələrin aparıldığı qeyd edilib.
