Prezident İlham Əliyev Elçin Hüseynlinin Azərbaycanın Hindistan Respublikasında fövqəladə və səlahiyyətli səfiri vəzifəsindən geri çağırılması barədə Sərəncam imzalayıb.
Sərəncama əsasən, Elçin Hüseynli eyni zamanda Banqladeş Xalq Respublikası, Butan Krallığı, Maldiv Respublikası, Nepal və Şri-Lanka Demokratik Sosialist Respublikasında Azərbaycan səfiri vəzifələrindən də geri çağırılıb.
Qeyd edək ki, dövlət başçısının digər sərəncamı ilə Elçin Hüseynli Azərbaycanın İtaliya Respublikasında fövqəladə və səlahiyyətli səfiri təyin edilib.
