“Qarabağ və Şərqi Zəngəzurda 96 min insan yaşayır, çalışır, təhsil alır”.
Bunu Prezident İlham Əliyev Yeni Azərbaycan Partiyasının (YAP) VIII Qurultayında çıxışı zamanı bildirib.
Dövlət başçısı bu bölgələrin inkişafına bu günə qədər 28 milyard manat vəsait xərcləndiyini qeyd edib:
“Onların böyük əksəriyyəti infrastruktur layihələrinə istiqamətləndirilib. Onların böyük hissəsi başa çatıb və eyni zamanda, bu gün 48 yaşayış məntəqəsində keçmiş köçkünlər artıq məskunlaşıb. Bundan sonrakı illərdə Böyük Qayıdış daha da sürətlə gedəcək”.
