Müsəlman Ağsaqqalları Şurasının baş katibi Məhəmməd Əbdülsalam sentyabrın 14-də Azərbaycan Prezidenti İlham Əliyevlə görüş zamanı dövlət başçısına “Zayed İnsan Qardaşlığı Mükafatı”nın sertifikatını təqdim edib.
Prezident İlham Əliyev Azərbaycan və Ermənistan arasında sülhün əldə olunması istiqamətində göstərdiyi səylərə görə 2026-cı il üzrə bu mükafata layiq görülüb.
Mükafatın şərtlərinə əsasən, dövlət başçısına 500 min ABŞ dolları məbləğində pul mükafatı verilir. İlham Əliyev həmin vəsaitin tam olaraq Qarabağ Dirçəliş Fonduna köçürülməsi ilə bağlı qərar qəbul edib.
