Prezident İlham Əliyev Azərbaycan vətəndaşlarının 2026-cı il oktyabrın 1-dən 30-dək müddətli həqiqi hərbi xidmətə çağırılması və müddətli həqiqi hərbi xidmət hərbi qulluqçularının ehtiyata buraxılması haqqında Sərəncam imzalayıb.
Sərəncama əsasən, 2008-ci ildə doğulmuş və çağırış gününədək, həmin gün də daxil olmaqla, 18 yaşı tamam olmuş, həmçinin 1996–2007-ci illərdə doğulmuş, yaşı 30-dək olan və Azərbaycan Silahlı Qüvvələrində müddətli həqiqi hərbi xidmət keçməmiş Azərbaycan vətəndaşları müddətli həqiqi hərbi xidmətə çağırılacaqlar.
Bu kateqoriyaya müddətli həqiqi hərbi xidmətə çağırışdan möhlət hüququ olmayan və ya bu xidmətdən azad edilməmiş şəxslər daxildir.
Sərəncama əsasən, “Hərbi vəzifə və hərbi xidmət haqqında” Qanunun 38.1.1-ci maddəsində nəzərdə tutulmuş xidmət müddətini keçmiş müddətli həqiqi hərbi xidmət hərbi qulluqçuları da 2026-cı il oktyabrın 1-dən 30-dək ehtiyata buraxılacaqlar.
