Ermənistan Yerasx–Naxçıvan və Axurik–Türkiyə sərhədi istiqamətlərində dəmir yolu sahələrinin yenidən qurulmasını dövlət büdcəsi hesabına həyata keçirəcək.
Ermənistanın Baş naziri Nikol Paşinyan bildirib ki, tikinti işləri ölkənin dövlət büdcəsindən maliyyələşdiriləcək.
Söhbət Yerasxdan Naxçıvan istiqamətində 1,6 kilometrlik, Axurik kəndindən Türkiyə sərhədinə qədər isə 12,4 kilometrlik dəmir yolu sahəsindən gedir.
Beləliklə, Ermənistan hər iki istiqamətdə dəmir yolu əlaqələri üçün çatışmayan və ya yenidən qurulmalı olan sahələrin bərpasını öz vəsaiti hesabına həyata keçirməyi planlaşdırır.
