Pakistanın şimal-qərbində poliomielitə qarşı peyvənd aparan tibb işçilərinin təhlükəsizliyini təmin edən polis əməkdaşlarına hücum edilib. Hadisə nəticəsində iki polis ölüb, daha biri yaralanıb.
Hücum Əfqanıstanla sərhəddə yerləşən Xayber-Paxtunxva əyalətinin Mohmand rayonunda baş verib.
Polis əməkdaşı Ayaz Xanın sözlərinə görə, tibb işçilərini müşayiət etmək üçün qonşu kəndə gedən polislərə hərəkətdə olan motosikletdən atəş açılıb.
Hücum edənlər hadisə yerindən qaçıblar.
