Tailandın cənubunda yerləşən Narathivat əyalətinin Sunqay Qolok şəhərində futbol matçı zamanı meydançaya ildırım düşüb.
Hadisə “Pattani” və “Yala” klubları arasında Santifap stadionunda keçirilən Golok Kubokunun yarımfinal görüşü zamanı baş verib.
İlkin məlumata görə, ildırımın meydana düşməsi nəticəsində bir futbolçu həyatını itirib, 12 nəfər isə müxtəlif dərəcəli xəsarətlər alıb. Həlak olanın “Yala” klubunun 24 yaşlı futbolçusu Sofvan Avae olduğu bildirilir. Yaralananlar arasında 22 yaşlı malayziyalı futbolçu da var. Xəsarət alanlar Sunqay Qolok xəstəxanasına çatdırılıb.
Faktla bağlı araşdırma aparılır.
