Fövqəladə Hallar Nazirliyinin (FHN) qüvvələri tərəfindən ötən həftə ərzində 925 yanğına çıxış olub.
Nazirliyin “112” qaynar telefon xəttinə daxil olan zənglər əsasında, həmçinin 42 halda köməksiz vəziyyətdə qalma faktı üzrə qəza-xilasetmə əməliyyatları həyata keçirilib.
Görülən təxirəsalınmaz tədbirlər nəticəsində yanğınların operativ şəkildə söndürülməsi və insanların həyatının xilas edilməsi təmin olunub.
Ümumilikdə, FHN qüvvələri tərəfindən ötən həftə ərzində 12-si azyaşlı olmaqla 43 nəfər xilas edilib, 4-ü azyaşlı olmaqla 20 nəfər təxliyə olunub. Həmçinin 2 nəfər tüstüdən zəhərlənib, 10 nəfərin meyiti aidiyyəti üzrə təhvil verilib.
