Müəllimlərin işə qəbulu üzrə müsabiqənin (MİQ) müsahibə mərhələsinin nəticələri namizədlərin şəxsi səhifələrinə göndərilib.
Müsahibədə uğur qazanan namizədlər sentyabrın 10-u saat 18:00-dək tələb olunan sənədləri aidiyyəti yerli təhsili idarəetmə orqanına təqdim etməlidirlər.
Təqdim olunmalı sənədlər arasında şəxsiyyət vəsiqəsinin, təhsil haqqında sənədin və əlavəsinin surəti, əmək kitabçasının əsli (olduğu halda), 4 ədəd 3×4 fotoşəkil, sağlamlıq haqqında arayış, kadrlar uçotunun şəxsi vərəqəsi və şəxsi səhifədən işə qəbul nəticəsinə dair çıxarış yer alır.
İşə qəbul yalnız yerli təhsili idarəetmə orqanı tərəfindən təsdiqlənmiş çıxarışı olan namizədlər üçün rəsmiləşdiriləcək.
Müsahibədə uğur qazanmayan namizədlər sentyabrın 7-si saat 11:00-dan sentyabrın 8-i saat 11:00-dək şəxsi səhifələri vasitəsilə elektron formada apellyasiya müraciəti edə bilərlər.
Müsahibələrin onlayn formatda keçirilməsi nəzərdə tutulur. Namizədlər şəxsi səhifələrində elektron poçt ünvanlarını qeyd etməli və iştiraklarını təsdiqləməlidirlər.
