İtaliyanın Milan şəhərində sinaqoq və məscidə terror aktları hazırlamaqda şübhəli bilinən 22 yaşlı gənc saxlanılıb.
İlkin məlumata görə, həmin şəxs əvvəlcədən partlayıcı qurğuların hazırlanması və odlu silahların modifikasiyası üsullarını öyrənib. O, hazırladığı qurğulardan Milan ətrafındakı sinaqoq və məsciddə istifadə etməyi planlaşdırıb.
Axtarış zamanı polis şübhəlinin elektron cihazlarında ksenofobiyanı və Holokostun inkarını təbliğ edən materiallar aşkarlayıb. Həmin materiallarda, həmçinin 2011-ci ildə Norveçdə kütləvi qətllər törətmiş terrorçu Anders Breyvikin ideologiyası əks olunub.
