Lionel Messi Argentina millisinin heyətində 2005-ci ildən çıxış edib. Milli komandada keçirdiyi 207 oyunda 115 qol vurub və 61 məhsuldar ötürmə edib. O, bu göstəricilərlə Argentina millisinin tarixində həm ən çox oyun keçirən, həm də ən çox qol vuran futbolçusudur.
Messi Argentina ilə 2021-ci ildə Amerika Kubokunu, 2022-ci ildə dünya çempionatını və 2024-cü ildə yenidən Amerika Kubokunu qazanıb. Bundan əvvəl isə 2008-ci ildə Olimpiya çempionu olub.
2022-ci ildə Qətərdə keçirilən dünya çempionatında Messi 7 qol vuraraq Argentina millisinin 36 illik dünya çempionluğu həsrətinə son qoyulmasında əsas rol oynayıb. O, turnirin ən yaxşı futbolçusu seçilib.
Milli komandada 21 il ərzində Messi Argentina tarixinin ən məhsuldar futbolçusuna çevrilib və komandanın kapitanı kimi üç böyük beynəlxalq titul qazanıb.
