Abşeron rayonunda marketdə müştərinin çantasının oğurlanması ilə bağlı talama hadisəsi qeydə alınıb.
Xırdalan şəhərində yerləşən marketlərin birində naməlum şəxs alış-veriş edən qadının içərisində nağd pul, bank kartı və şəxsi sənədləri olan çantasını oğurlayıb.
Polisin keçirdiyi əməliyyat-axtarış tədbirləri nəticəsində hadisəni törətməkdə şübhəli bilinən, əvvəllər narkotiklə əlaqəli cinayətə görə məhkum olunmuş 61 yaşlı N.Qulamov saxlanılıb.
Onun üzərindən psixotrop maddə olan metamfetamin də aşkarlanıb.
Faktla bağlı araşdırma davam etdirilir.
