Kürdəmir rayonunda magistral su borusunun partlaması nəticəsində rayon mərkəzi və 6 kənd susuz qalıb.
Hadisə Külüllü–Kürdəmir magistral su xəttinin 31-ci kilometrində, Topalhəsənli kəndi ərazisindən keçən hissəsində baş verib. Diametri 500 millimetr olan borunun partlaması ilə əlaqədar qəza yerinə aidiyyəti qurumun əməkdaşları və texnikası cəlb olunub.
Hazırda problemin aradan qaldırılması üçün zəruri tədbirlər görülür.
Qeyd edək ki, 2013-cü ildə dövlət vəsaiti hesabına inşa edilən Külüllü–Kürdəmir magistral su xətti rayonun ümumilikdə 21 min sakini üçün içməli su təmin edir.
