Yeni tədris ilinin başlaması ilə əlaqədar Bakıdakı məktəblərin ətrafında yol hərəkətinin təhlükəsizliyinin təmin olunması istiqamətində tədbirlər gücləndirilir.
DYP və AYNA əməkdaşları təhsil müəssisələrinin ətrafındakı yol şəraitinə nəzarəti artırır, yol nişanları və nişanlanma xətlərinin vəziyyətini yoxlayırlar.
Həmçinin məktəblərin qarşısındakı piyada keçidləri, yol nişanları və digər texniki vasitələrin vəziyyəti nəzərdən keçirilir, aşkar olunan çatışmazlıqların aradan qaldırılması üçün tədbirlər görülür.
Məqsəd yeni tədris ili başlayarkən şagirdlərin məktəbə gediş-gəlişi zamanı təhlükəsizliyini təmin etməkdir.
