Kürdəmir rayonunda açıq ərazidə yanğın başlayıb.
Xəbər Mərkəzi Oxu.Az-a istinadən xəbər verir ki, yanğın yanacaqdoldurma məntəqəsinin yaxınlığında qeydə alınıb.
Fövqəladə Hallar Nazirliyindən bildirilib ki, “112” qaynar telefon xəttinə Kürdəmir rayonunun Atakişili kəndində açıq ərazidə yanğın baş verməsi barədə məlumat daxil olub.
Hadisə yerinə FHN-in Dövlət Yanğından Mühafizə Xidmətinin Kürdəmir Rayon Yanğından Mühafizə Hissəsinin qüvvələri cəlb edilib. Hazırda məişət və təkər tullantılarının toplandığı sahədə baş vermiş yanğının söndürülməsi istiqamətində işlər davam etdirilir.
