Konqo Demokratik Respublikasında Ebola qızdırmasına yoluxanların təsdiqlənmiş sayı 7 022-yə çatıb.
Xarici KİV-lərin məlumatına görə, ölkədə epidemiyanın başlanmasından indiyədək 3 398 nəfər ölüb. Hazırda 837 nəfər karantində saxlanılır və ya müalicə olunur.
Bu, Konqo Demokratik Respublikasında Ebola epidemiyasının 17-ci dəfə baş verməsidir. Epidemiyanın əsas ocağı ölkənin şimal-şərqində yerləşən İturi əyalətidir. Virus artıq 7 əyalətə yayılıb.
AFP-nin məlumatına görə, yeni tədris ilinin başlamasından sonra virus məktəblilər arasında da yayılmağa başlayıb. Bu isə tibb müəssisələrinin yükünü artırıb.
