Dövlət İmtahan Mərkəzi (DİM) avqustun 4-də ali təhsil müəssisələrinin bakalavriat səviyyəsinin jurnalistika ixtisasına qəbul olmaq istəyən abituriyentlər üçün qabiliyyət imtahanı keçirəcək.
İmtahanda internet vasitəsilə qeydiyyatdan keçmiş, III ixtisas qrupu üzrə test imtahanında müsabiqə şərtini ödəyən abituriyentlər iştirak edə biləcəklər.
Qabiliyyət imtahanına 827 abituriyentin qatılması nəzərdə tutulur.
İmtahan Bakı ilə yanaşı, Naxçıvan, Gəncə, Lənkəran, Şəki, Bərdə, Kürdəmir və Şirvan şəhərlərində təşkil ediləcək.
Qeyd edək ki, qabiliyyət imtahanı kompüter vasitəsilə keçiriləcək və abituriyentlər inşanı elektron formada yazacaqlar.
