Türkiyənin İzmir vilayətinin Seferihisar rayon Bələdiyyəsinə qarşı rüşvət və qanunsuzluq iddiaları ilə əməliyyat keçirilib.
Əməliyyat zamanı aralarında bələdiyyə əməkdaşları və podratçıların da olduğu 43 şübhəli saxlanılıb.
İzmir prokurorluğunda bələdiyyənin tikinti və abadlıq işlərində rüşvət alınıb-verilməsi, tender və birbaşa satınalmalarda qanunsuzluqlara yol verilməsi ilə bağlı cinayət işi başlanıb.
Barələrində saxlanılma qərarı verilən 48 şübhəlinin ünvanlarında axtarış aparılıb. Onlardan 43-ü tutulub, istintaqdan yayınan 5 şübhəlinin saxlanılması istiqamətində əməliyyat davam etdirilir.
