İstanbul vilayətində Türkiyədə terror aktı törətməyə hazırlaşdığı bildirilən İŞİD üzvünə qarşı əməliyyat keçirilib.
Bu barədə İstanbul vilayət administrasiyası məlumat yayıb.
Bildirilib ki, Terrorla Mübarizə Baş İdarəsi və digər qurumların əməkdaşları Türkiyədə terror törətməyə hazırlaşdığı bildirilən İŞİD üzvü Berkan Ç. adlı şəxsin saxlanılması məqsədilə Sultanbəyli rayonunda əməliyyat keçirib.
Əməliyyat zamanı təhlükəsizlik qüvvələri ilə şübhəli şəxs arasında atışma baş verib. Atışma nəticəsində Berkan Ç. zərərsizləşdirilib, bir mülki şəxs isə yaralanıb.
Hadisə ilə bağlı araşdırmanın davam etdiyi bildirilib.
