İstanbul Böyükşəhər Bələdiyyəsi ilə bağlı istintaq çərçivəsində daha 13 şübhəlinin saxlanılması barədə qərar verilib.
Qərara əsasən, şübhəlilərdən 12-si artıq saxlanılıb. Xaricdə olduğu müəyyən edilən digər şəxsin məsuliyyətə cəlb olunması istiqamətində tədbirlər davam etdirilir.
Saxlanılan şəxslər tenderlərə müdaxilə və dövlətə zərər vurulması iddiaları üzrə istintaqa cəlb olunublar.
Qeyd edək ki, bundan əvvəl də İstanbul Böyükşəhər Bələdiyyəsində əməliyyatlar keçirilib. Bələdiyyə sədri Əkrəm İmamoğlunun həbsindən sonra qurumun müxtəlif vəzifələrində çalışan şəxslər saxlanılıb, korrupsiya ilə bağlı 10-dan çox şirkətin hesablarına həbs qoyulub.
