İspaniyanın Valensiya muxtar icmasında “Adam” qasırğası və intensiv yağışlar səbəbindən “qırmızı” təhlükə səviyyəsi elan edilib.
Əlverişsiz hava şəraiti ilə əlaqədar təxminən 100 min şagird əyani təhsildən kənarda qalıb. Valensiya əyalətinin Oliva şəhərinin meri isə artıq 2 min nəfərin təxliyə edildiyini bildirib.
İspaniyanın Baş naziri Pedro Sançes sosial şəbəkələrdə fövqəladə xidmətlərin əlçatmaz ərazilərdə insanların xilas edilməsi istiqamətində çalışdığını qeyd edib. O, əhalini hərəkət etməkdən çəkinməyə və binaların yuxarı mərtəbələrində qalmağa çağırıb.
Daha əvvəl əlverişsiz hava şəraiti səbəbindən regionda iki nəfərin öldüyü bildirilmişdi.
