Bakının Nizami rayonunda işlədikləri obyektlərdən oğurluq etməkdə şübhəli bilinən şəxslər saxlanılıb.
Rayon ərazisində yerləşən marketlərin birindən 6 612 manat dəyərində elektrik naqillərinin oğurlanması ilə bağlı keçirilən əməliyyat zamanı 47 yaşlı C.Hüseynzadə, 33 yaşlı E.Hüseynov və 33 yaşlı Ə.Məmmədov müəyyən edilərək saxlanılıblar.
Araşdırmalar zamanı onların bir müddət əvvəl həmin marketin anbarında çalışdıqları və oğurladıqları naqilləri əlvan metal qəbulu məntəqələrinə satdıqları məlum olub.
Polisin keçirdiyi digər əməliyyat nəticəsində isə zavodlardan birinin anbarından ümumi dəyəri 4 250 manat olan müxtəlif avadanlıqları talamaqda şübhəli bilinən 40 yaşlı Ə.Cavadov, 31 yaşlı O.Məmmədov və 62 yaşlı F.Musayev də saxlanılıb.
Faktlarla bağlı araşdırmalar davam etdirilir.
