İran ABŞ ilə mümkün danışıqların gündəliyinin Tehranın daha əvvəl irəli sürdüyü yeddi günlük planın şərtlərindən ibarət olduğunu bəyan edib.
İranın xarici işlər naziri Abbas Əraqçi “Al Jazeera” telekanalına müsahibəsində bildirib ki, hazırda müzakirə olunan plan İranın əvvəlcə təklif etdiyi və “yeddi günlük plan” kimi tanınan təşəbbüsdür.
Əraqçinin sözlərinə görə, plana əsasən, İranın şərtləri yerinə yetirilərsə, Hörmüz boğazı altıncı gün açılacaq, yeddinci gün isə İran və ABŞ arasında danışıqlar bərpa olunacaq.
Nazir müsahibəsindən sitatı özünün “Telegram” kanalında da paylaşıb.
