Bu ilin yanvar–iyun aylarında İpoteka və Kredit Zəmanət Fondunun (İKZF) xətti ilə 226,3 milyon manat kredit verilib.
Azərbaycan Mərkəzi Bankının məlumatına görə, bu göstərici ötən ilin eyni dövrü ilə müqayisədə 2,8 % azdır.
Hesabat dövründə Fondun yenidən maliyyələşdirdiyi kreditlərin həcmi də 39,7 % azalaraq 131,6 milyon manat təşkil edib.
Son bir ildə İKZF-nin istiqraz buraxmaqla cəlb etdiyi vəsaitin məbləği 39,4 % azalaraq 200 milyon manata düşüb. Dövlət büdcəsindən Fonda ayrılan vəsait isə ötən ilin müvafiq dövrü ilə müqayisədə dəyişməyərək 42,6 milyon manat olub.
