İngiltərə millisi futbol üzrə 2026-cı il dünya çempionatının bürünc medalını qazanıb.
Bürünc medal uğrunda keçirilən qarşılaşmada Tomas Tuxelin komandası Fransanı 6:4 hesabı ilə məğlub edib.
İngiltərənin heyətində Deklan Rays (3-cü dəqiqə), Ezri Konsa (18), Bukayo Saka (37, 45+1, 87 – penaltidən) və Cud Bellinqem (90+8) fərqləniblər. Fransa yığmasının qollarını isə Kilian Mbappe (48, 66), Bradli Barkola (54) və Usman Dembele (90+6) vurublar.
Oyundan sonra Fransa Futbol Federasiyası Didye Deşamın milli komandanın baş məşqçisi postunu tərk etdiyini açıqlayıb.
Deşam 2012-ci ildən Fransa yığmasına rəhbərlik edirdi. Onun rəhbərliyi altında komanda 2018-ci ildə dünya çempionu, 2022-ci ildə UEFA Millətlər Liqasının qalibi olub. Fransa yığması, həmçinin AVRO-2016 və DÇ-2022-nin gümüş medalçısı adını qazanmışdı.
Qeyd edək ki, DÇ-2026-nın finalında bu gün Bakı vaxtı ilə saat 23:00-da İspaniya və Argentina milliləri üz-üzə gələcəklər.
