Bakıda Azərbaycan Prezidenti İlham Əliyevin himayəsi altında keçirilən II Azərbaycan Beynəlxalq İnvestisiya Forumu (AIIF 2026) çərçivəsində 11 sənəd imzalanıb.
Sənədlər tikinti və inkişaf, Azərbaycanın rəqəmsal iqtisadiyyatının inkişafı, günəş və külək enerjisi layihələri, yeni texnologiyalar əsasında Silisium Karbid, Silisium Oksid və Silisium istehsalı, həmçinin plantasiya və emal müəssisələrinin yaradılması sahələrini əhatə edir.
Bundan əlavə, Ağdam quşçuluq layihəsi, baytarlıq peyvəndlərinin istehsalı və əczaçılıq istehsalı müəssisəsinin yaradılması ilə bağlı sənədlər imzalanıb.
Forum çərçivəsində Azərbaycan-Oman Birbaşa İnvestisiya Fondunun “Azər-Türk Bank” ASC-də nəzarət etməyən pay əldə etməsi, SOCAR, Azərbaycan Dövlət Su Ehtiyatları Agentliyi və “Esyasoft” arasında əməkdaşlıq, eləcə də Azərbaycan və Ukrayna arasında investisiyaların təşviqi sahəsində əməkdaşlıqla bağlı sənədlər də imzalanıb.
