Bakının Suraxanı rayonunun Hövsan qəsəbəsində mağazada uçqun baş verib.
Fövqəladə Hallar Nazirliyindən bildirilib ki, hadisə ilə əlaqədar əraziyə Xüsusi Riskli Xilasetmə və Dövlət Yanğından Mühafizə xidmətlərinin qüvvələri cəlb olunub.
Mağazanın tavanının uçması nəticəsində 1989-cu il təvəllüdlü Gülnar Məhəmməd qızı Miriyevanın müxtəlif dərəcəli bədən xəsarətləri aldığı və dağıntılar altında qaldığı müəyyən edilib.
Xilasedicilər xüsusi xilasetmə vasitələrinin köməyi ilə qadını dağıntılar altından çıxararaq təcili tibbi yardım briqadasına təhvil veriblər.
Hadisə ilə bağlı aidiyyəti qurumlar tərəfindən araşdırma aparılır.
