Azərbaycanda oktyabrın 9-u gündüzdən 10-u axşamadək qeyri-sabit hava şəraiti gözlənilir.
Bakıda və Abşeron yarımadasında arabir yağış yağacağı, bəzi yerlərdə yağıntıların leysan xarakterli olacağı ehtimal edilir. Oktyabrın 9-u axşamdan 10-u səhərədək yağışın intensiv və güclü olacağı, şimşək çaxacağı gözlənilir.
Ölkənin rayonlarında da arabir yağıntılı hava şəraiti müşahidə olunacaq. Ayrı-ayrı yerlərdə leysan xarakterli intensiv yağış, şimşək və dolu ehtimalı var. Dağlıq ərazilərdə qar yağacağı, oktyabrın 10-da gündüz bəzi şərq rayonlarında yağıntıların qısa müddətə güclənəcəyi gözlənilir.
Gözlənilən yağıntılarla əlaqədar çaylarda sululuğun artacağı bildirilir. Böyük və Kiçik Qafqazın, Lənkəran-Astara bölgəsinin, eləcə də Naxçıvan Muxtar Respublikasının bəzi çaylarından qısamüddətli daşqın və sel keçməsi istisna olunmur.
