Hesablama Palatası bu ilin birinci yarısında keçirdiyi nəzarət tədbirləri zamanı ümumilikdə 160,3 milyon manat məbləğində nöqsan aşkarlayıb.
Qurumun məlumatına görə, bunun 35 milyon manatının bərpası barədə qərar qəbul edilib, 14,8 milyon manatlıq material hüquq-mühafizə orqanlarına göndərilib. Digər nöqsanların məbləği isə 110,5 milyon manat təşkil edib.
Hesabat dövründə 33 nəzarət tədbiri həyata keçirilib. Auditlər təhsil, əsaslı vəsait qoyuluşu, kənd təsərrüfatı, su təchizatı, meliorasiya və sosial müdafiə sahələrini əhatə edib.
