Hacıqabul rayonunda ağır yol-nəqliyyat hadisəsi baş verib.
“Xəbər Mərkəzi”nin APA-ya istinadən verdiyi məlumata görə, qəza Bakı–Qazax magistralının rayonun Muğan kəndi ərazisindən keçən hissəsində qeydə alınıb.
Belə ki, Zaqatala–Bakı marşrutu üzrə hərəkət edən iritutumlu sərnişin avtobusu aşıb. Hadisə nəticəsində 28 sərnişin, o cümlədən uşaqlar müxtəlif dərəcəli bədən xəsarətləri alıb. Yaralılar təcili tibbi yardım briqadalarının köməyi ilə Şirvan və Hacıqabul rayon mərkəzi xəstəxanalarına çatdırılıb.
Hazırda Xəsarət alanların şəxsiyyəti müəyyənləşdirilir. Faktla bağlı araşdırma aparılır.
