Günəşdə son iki həftənin ən güclü partlayışı qeydə alınıb.
Rusiya Elmlər Akademiyasının Kosmik Tədqiqatlar İnstitutu və Sibir Bölməsinin Günəş-Yer Fizikası İnstitutunun məlumatına görə, partlayış Moskva vaxtı ilə saat 09:35-də (Bakı vaxtı ilə 10:35) baş verib.
Mütəxəssislər bildiriblər ki, son sutka ərzində Günəş səthində 20-yə yaxın oxşar partlayış müşahidə olunub. Bu, Günəş aktivliyinin artması ilə əlaqələndirilir.
Qeyd olunub ki, partlayışlar Yerə təsir edə biləcək geoeffektiv zonalarda baş versə də, hazırda planetimiz üçün birbaşa təhlükə yaratmır.
