Goranboy rayonunda azyaşlının ölümü ilə nəticələnən bədbəxt hadisə baş verib.
Hadisə rayonun Qoruqbağı kəndində qeydə alınıb. İlkin məlumata görə, kənd sakini, 2023-cü il təvəllüdlü Əsma Kərimli atası Yaqub Kərimlinin idarə etdiyi otbağlayan aqreqatın təkəri altında qalıb.
Azyaşlı aldığı ağır xəsarətlər nəticəsində hadisə yerində həyatını itirib.
Faktla bağlı hüquq-mühafizə orqanları tərəfindən araşdırma aparılır.
