Bu gün Ermənistan silahlı qüvvələrinin Gəncə şəhərinə beşinci raket hücumundan 6 il ötür.
2020-ci il oktyabrın 17-də gecə saat 1 radələrində Azərbaycanın ikinci böyük şəhəri olan Gəncənin cəbhə zonasından kənarda yerləşən Cavadxan qəsəbəsi SCUD/Elbrus əməliyyat-taktiki ballistik raketləri ilə atəşə tutulub.
Hücum nəticəsində yaşayış evləri dağılıb, sakinlər dağıntılar altında qalıb. Hadisə zamanı 15 nəfər həlak olub, 55-dən çox insan yaralanıb. Mülki infrastruktura və nəqliyyat vasitələrinə də ciddi ziyan dəyib.
Həlak olanlar və yaralananlar arasında uşaqlar, qadınlar və yaşlı insanlar da olub.
Gəncəyə edilən raket hücumu nəticəsində həyatını itirənlər ehtiramla yad edilir.
