Bakıda keçiriləcək “Formula-1” üzrə Azərbaycan Qran-prisi ilə əlaqədar “Bakı Metropoliteni” QSC-də iş qrafiki dəyişdiriləcək.
Sentyabrın 24-dən 26-dək “İçərişəhər”, “Sahil” və “28 May” stansiyaları gücləndirilmiş rejimdə fəaliyyət göstərəcək. Həmin stansiyalarda növbətçilik cədvəlinə uyğun olaraq əlavə işçi qüvvəsi ayrılacaq.
Sentyabrın 24-dən 25-nə və 25-dən 26-na keçən gecələr qeyd olunan üç stansiya saat 01:00-dək sərnişinlərin girişinə açıq olacaq.
Yaşıl və Bənövşəyi xətlər üzrə qatarların hərəkəti ənənəvi qaydada təşkil ediləcək. Qırmızı xəttin digər stansiyaları isə saat 00:00-da bağlanacaq.
