Bakının Binəqədi rayonunun Biləcəri qəsəbəsində yerləşən hotelin fəaliyyəti dayandırılıb.
Fövqəladə Hallar Nazirliyinin məlumatına görə, Rəşid İsmayılov küçəsi, ev 17 ünvanında fəaliyyət göstərən mehmanxanada Dövlət Yanğın Nəzarəti Xidməti tərəfindən yoxlama aparılıb. Yoxlama zamanı yanğın təhlükəsizliyi sahəsində bir sıra nöqsanlar aşkarlanıb.
Yanğın təhlükəsizliyi norma və qaydalarının tələblərinin kobud şəkildə pozulduğu müəyyən edildiyindən hotelin fəaliyyətinin dayandırılması barədə qərar qəbul olunub. Qərarın bir nüsxəsi obyektin nümayəndəsinə təqdim edilib.
