“İşçilərin Ezamiyyə Qaydaları”nda dəyişiklik edilib.
Bununla bağlı müvafiq qərar imzalanıb.
Qüvvədə olan qaydalara əsasən, işçilərin ezamiyyət müddəti təşkilat rəhbərləri tərəfindən müəyyən edilir və yolda keçən vaxt nəzərə alınmamaqla 40 gündən artıq ola bilməz.
Yeni dəyişikliyə əsasən, mühafizə olunan şəxslərin səfərləri zamanı təhlükəsizliyi təmin edən Azərbaycan Respublikası Dövlət Mühafizə Xidmətinin və Xüsusi Rabitə və İnformasiya Təhlükəsizliyi Dövlət Xidmətinin əməkdaşları bu məhdudiyyətdən istisna ediliblər.
