Ermənistanın Milli Təhlükəsizlik Xidməti Azərbaycan vətəndaşının ölkə ərazisində aşkarlanması barədə yayılan məlumatı rəsmi olaraq təsdiqləyib.
Qurumun məlumatına görə, oktyabrın 19-da saat 17:50-də Tavuş vilayətində Azərbaycanın Tovuz rayonunun Çatax kənd sakini, 1968-ci il təvəllüdlü çoban Yaşar Əli oğlu Qasımov aşkarlanıb.
Ermənistanın Milli Təhlükəsizlik Xidmətindən bildirilib ki, aparılan araşdırmalar nəticəsində onun yolu azdığı müəyyən edilib.
Hazırda Azərbaycan vətəndaşının öz evinə qaytarılması məqsədilə müvafiq tədbirlər həyata keçirilir.
