Dövlət Sərhəd Xidməti (DSX) iyul ayında dövlət sərhədini pozmağa cəhd edən 26 nəfəri saxlayıb.
Bu barədə Dövlət Sərhəd Xidmətinin aylıq hesabatında məlumat verilib.
Qeyd olunub ki, axtarışda olan 330 nəfər tutulub, həmçinin ölkədən çıxışına qadağa qoyulan 797 nəfərin dövlət sərhədini keçməsinin qarşısı alınıb.
Hesabat dövründə 105 kiloqramdan çox narkotik vasitə, 64 litr narkotik tərkibli məhlul və 3 309 ədəd həb qanunsuz dövriyyədən çıxarılıb.
Həmçinin sərhəd rejimini pozan 44 nəfər barəsində qanunvericiliyə uyğun tədbirlər görülüb.
