Azərbaycanda dövlət bağçalarında çalışan tərbiyəçi-müəllimlər oktyabr-noyabr aylarında sertifikatlaşdırma prosesinə cəlb olunacaq.
Bunu Məktəbəqədər və Ümumi Təhsil üzrə Dövlət Agentliyinin direktoru Eşqi Bağırov təhsil işçilərinin sentyabr konfransında deyib.
Onun sözlərinə görə, 1300 tərbiyəçi-müəllim müxtəlif meyarlar üzrə qiymətləndirmədən keçərək məktəbəqədər təhsil müəssisələrində fəaliyyətə başlayıb. Bu şəxslər test imtahanı və müsahibə mərhələsindən uğurla keçiblər.
Eşqi Bağırov bildirib ki, ötən illərdə məktəbəqədər təhsil müəssisələrində çalışan 12 minə yaxın tərbiyəçi-pedaqoji heyətin bilik və bacarıqları diaqnostik qiymətləndirilib.
Onun sözlərinə görə, növbəti mərhələdə tərbiyəçi kadrların inkişafı və əməyinin stimullaşdırılması məqsədilə sertifikatlaşdırma keçiriləcək.
