Çinin şimal-şərqində yerləşən Lyaonin əyalətində sel və daşqın təhlükəsi səbəbindən 171 mindən çox sakinin təxliyəsinə başlanılıb.
Məlumata görə, riskli ərazilərdən insanların köçürülməsi prosesi davam edir. Bəzi bölgələrdə yağıntının intensivliyi saatda 74,4 millimetrə çatıb, ayrı-ayrı ərazilərdə isə yarım gün ərzində 186 millimetrədək yağış yağıb.
Bundan əvvəl Lyaonin və Tszilin əyalətlərində gözlənilən sel təhlükəsi ilə əlaqədar ən yüksək – qırmızı xəbərdarlıq elan edilib. Sinoptiklər bölgədə iri çaylarda suyun səviyyəsinin sürətlə yüksəldiyini bildirirlər.
