Milli Hidrometeorologiya Xidməti iyulun 19-da Abşeron çimərliklərində gözlənilən hava şəraiti ilə bağlı məlumat yayıb.
Məlumata görə, gün ərzində mülayim şimal-qərb küləyi əsəcək.
Dəniz suyunun temperaturu şimal çimərliklərində (Sumqayıt, Novxanı, Pirşağı, Nardaran, Bilgəh və Zaqulba) 24-25 dərəcə isti olacaq.
Cənub çimərliklərində isə (Türkan, Hövsan, Sahil və Şıx) dəniz suyunun temperaturunun 25-26 dərəcə isti olacağı gözlənilir.
